ഭാഗം 18

പറയാത്ത പ്രണയം
***************************

അല്ലെങ്കിലും ഈ കാത്തിരിപ്പിന് വല്ലാത്ത ഒരു സുഖമാണ് പറയുന്നത് വെറുതയല്ല . ഇടയ്ക്കൊക്കെ തോന്നും എത്ര കാലം വേണമെങ്കിലും കാത്തിരിക്കാം അവസാനം ഇഷ്ടമാണ് എന്നൊന്ന് പറയാൻ കഴിഞ്ഞാൽ മതിയെന്ന്

തിരികെ വരുമ്പോഴും ആൽമരത്തിന്റെ താഴേയ്ക്ക് നോക്കണമെന്ന് തോന്നി , പക്ഷെ ആഗ്രഹങ്ങളെ ആർക്ക് വേണ്ടിയോ പിടിച്ചു നിർത്തി . മനസ്സിലെ പ്രണയം മനസ്സിൽ തന്നെ കുഴിച്ചുമൂടി മുന്നോട്ടു നടന്നു

എനിക്കറിയാമായിരുന്നു അപ്പോഴും അതിനു ശേഷവും എല്ലാം ചിന്തയിൽ ആ മുഖം മാത്രമായിരിക്കുമെന്ന് . ഇനി അടുത്ത ദിവസത്തിനായി കാത്തിരിക്കുനതും ആ മരച്ചോട്ടിൽ കാത്തിരിക്കുമെന്ന് കരുതിയാണ്

അല്ലെങ്കിലും ഇപ്പോൾ ഇഷ്ട്ടമാണ് എന്നൊക്കെ പറഞ്ഞിട്ടിപ്പോൾ എന്തിനാണ് ,അദ്ദേഹത്തെയും കൂടെ ഈ നശിച്ച ജീവിതത്തിലേക്ക് വലിച്ചിടാൻ വേണ്ടി മാത്രം . എന്നിട്ട് കുറെ സ്വപ്‌നങ്ങൾ നൽകി...പിന്നീട് ഓർക്കാൻ നല്ലതും ചീത്തയുമായ നിമിഷങ്ങളും നൽകി വിട പറഞ്ഞു പോകാൻ വേണ്ടിയെങ്കിൽ പ്രണയിക്കാതിരിക്കുന്നത്‌ തന്നെയാണ് നല്ലത്

ഒന്നുകിൽ അമ്മ വേലി ചാടിയാൽ മകൾ മതില് ചാടുമെന്ന പഴമൊഴി സത്യമാവാതിരിക്കാൻ ...

അതുമല്ലെങ്കിൽ ഇന്നേവരെ തെറ്റിദ്ധാരണയോടെ മാത്രം എന്നെ കണ്ടിരുന്ന ആളുകൾക്ക് മുൻപിൽ അന്തസ്സായി ജീവിച്ചു കാണിച്ചു കൊടുക്കാൻ

ഒപ്പം പ്രണയിക്കുന്നത്‌ തെറ്റാണോ അന്തസ്സില്ലായ്മ ആണോ എന്ന് ചോദിച്ചാൽ എനിക്ക് മറുപടിയില്ല

അല്ലെങ്കിലും എട്ടോ ഒൻപതിലോ പഠിക്കുന്ന കാലം മുതൽ കേട്ട് തുടങ്ങിയതാണ്‌ "നീ പെണ്ണാണ് ...." എന്നുള്ള വാക്കുകൾ

ആരോടെങ്കിലും സംസാരിച്ചാൽ .... പറയും ഏതുനേരവും സംസാരിക്കുകയാണ് ..അത് ചിലപ്പോൾ ആണ് ആയാൽ പറയുകയും വേണ്ട

അവൾക്കു എന്നും ഇതാണ് പണി , മിക്ക ദിവസവും സംസാരിക്കാറുണ്ട് , അവനും അവളും തമ്മിൽ എന്തൊക്കെയോ ഉണ്ട് ...പിന്നെയത് അവസാനം അവന്റെ കൂടെ പലയിടത്തും വെച്ച് കാണാറുണ്ട്‌ ... അവന്റെ ബൈക്കിൽ കയറി പോകാറുണ്ട് ....ചിലപ്പോൾ രെജിസ്റ്റെർ വിവാഹം കഴിച്ചെന്നു വരെയെത്തും

ഒന്ന് ചിരിച്ചാൽ .... കാണുന്നവരോടൊക്കെ ചിരിച്ചു നടക്കുകയാണ് ...സ്വഭാവം ശരിയല്ല ...പിന്നെ ആണുങ്ങളെ വളയ്ക്കാൻ ആണ് ഓടിക്കാൻ ആണ് എന്നിങ്ങനെ പോകും ...അതല്ലങ്ങിൽ പിന്നെയൊരിക്കലും വീണ്ടെടുക്കാൻ പറ്റാത്ത ജാഡ സ്വഭാവമോ ,മോശം സ്വഭാവമോ എന്ന ലേബലും

ഫോൺ ചെയ്താൽ .... പറയുകയേ വേണ്ട ... അതൊരു അഞ്ചു നിമിഷം ആണ് എങ്കിലും പറയും ഇരുപത്തിനാല് മണിക്കൂറും ഇതാണ് പണിയെന്ന്.... ആരെയൊക്കെയോ വിളിക്കുന്നു ... വരാൻ പറയുന്നു ... രാത്രിവൈകിയും ഫോണിൽ തന്നെ ... ഏതൊക്കെയോ കാമുകനുണ്ട് ....

എന്റെ ദൈവമേ ഓർക്കാനേ വയ്യ ... നമ്മുടെ നാട്ടുകാർക്ക് ഒന്ന് കിട്ടിയ പത്താക്കുന്ന സ്വഭാവമാണ് . പ്രതേകിച്ചു പെൺകുട്ടികളുടെ ജീവിതം നശിപ്പിക്കാൻ വല്ലാത്തൊരു അനുഭൂതിയാണ്

ഒന്നുമില്ലെങ്കിലും ഇരുപതു കഴിഞ്ഞിട്ടും കല്യാണം നടത്താതിരുന്നാൽ വീട്ടുകാരിലും പ്രശ്നം നാട്ടുകാർക്ക് തന്നെ . ചിലപ്പോൾ തോന്നും വീട്ടുകാർ നമ്മളെ വളർത്തുന്നത് നാട്ടുകാരെ പേടിച്ചാണ് എന്ന്

എന്തിരെ പറയുന്നു നല്ലൊരു വസ്ത്രം എടുക്കാൻ പോലും സാധാരണ സ്വതന്ത്രം കിട്ടാറില്ല . കുറച്ച് നല്ല വിലയുള്ളത് നോക്കി എടുത്താൽ പറയും "ലാവിഷ് " സ്വഭാവമാണ് ....കുറച്ച് എടുത്താൽ പിശുക്കും ... സാരീ ഉടുത്താൽ ആട്ടം കാണിക്കാൻ , ജീൻസും ടോപ്പും ആണെങ്കിൽ പത്രാസ്സ്...പിന്നെ ചുരിദാർ ഇടുന്നതല്ല പ്രശ്നം ഈൗ ഷാൾ എന്താ ഇങ്ങനെ ഇട്ടിരിക്കുന്നത് ...എന്താ ഇങ്ങനെ സടിച് ചെയ്തിരിക്കുന്നത് അങ്ങനെ നൂറു കൂട്ടം പ്രശ്നങ്ങളാണ് ...

സത്യം പറഞ്ഞാൽ ഇതൊക്കെ കേൾക്കുമ്പോൾ ചെവിക്കല്ല് നോക്കിയൊന്നു കൊടുക്കാൻ പലപ്പോഴും കൈ തരിക്കും , പിന്നെയും അഡ്ജസ്റ്റ് ചെയ്തു പോകേണ്ടി വരും കാരണം നമ്മൾ ഒന്ന് പ്രതികരിച്ചാൽ പിന്നെ ഈ ജന്മം മുഴുവൻ അതിന്റെ പ്രത്യാഘാതം ഉണ്ടാവും

വളർത്തി വലുതാക്കി അറവുശാലയിൽ നിന്നും വിഭാവത്തിനുള്ള പാകമാക്കി വിൽക്കുന്ന ഇറച്ചി പോലെയാണ് പലരും പെൺകുട്ടികളെ കണക്കാക്കുന്നത് എന്ന് മനസ്സിലാക്കാനും ഏറെ വൈകിപ്പോയി

പതിനെട്ടിന് മുൻപ് കഥയിലും പാട്ടിലും ഒക്കെ പറഞ്ഞിരിക്കുന്നത് പോലുള്ള പ്രായത്തിൽ വിവാഹം കഴിപ്പിച്ചു കൊടുക്കണം

അത് കഴിഞ്ഞാൽ പിന്നെ പെണ്ണിന് എന്തോ കുഴപ്പം ഉണ്ടെന്നും ...അല്ലെങ്കിൽ സ്വഭാവദൂഷ്യം എന്നോ അതുമല്ലെങ്കിൽ കിട്ടാച്ചരക്ക് എന്നോ പേരിട്ടു വിളിക്കും

പിന്നെ ഇരുപതൊക്കെ കഴിഞ്ഞാൽ പറയുകയേ വേണ്ട നാട്ടുകാർ തീരുമാനിച്ചിരിക്കും "നമ്മുടെ നല്ല നടപ്പിനെ കുറിച്ച് ..." പിന്നെ നല്ല ജോലിയോ സാമ്പത്തിക ഭദ്രതയോ ഉള്ളവർക്ക് ഈ പ്രശ്നമില്ല ....

"നാണം കെട്ടും പണം നേടുകിൽ നാണക്കേടാ പണം മാറ്റിടും " എന്ന് പറയുന്നത് പോലെയാണ് . അതല്ലാത്തവരുടെ കാര്യം പറയുകയേ വേണ്ട .

ഇങ്ങനൊരു സാഹചര്യത്തിൽ പ്രണയം എല്ലാവരുടെയും മുന്നിൽ എത്ര പാപമാണ് . പക്ഷെ പുരാണങ്ങളും , സമകാലീന വാർത്തകളും അറിയുന്നവർ ..ഉന്നത വിദ്യാഭ്യാസം ഉള്ളവർ ഒക്കെ തന്നെ ഇതിനൊക്കെ കൂട്ടും നിൽക്കും

എന്നായി ജനിച്ചാൽ ആദ്യം പേടിക്കേണ്ടതും ഈ പേരിനെ തന്നെ ... ഗതികേട് ...എനിക്കും എന്നെപ്പോലെയുള്ള ഒരായിരം പെൺകുട്ടികൾക്കും....

***************************************************

ആ പേജ് അവസാനിച്ചപ്പോൾ ഒരു ദീർഘനിശ്വാസത്തോടെ ഞാൻ ഡയറി അടച്ചു വെച്ചു. പിന്നെയും ഓർത്തപ്പോൾ സ്വപ്ന പറഞ്ഞതെല്ലാം ശരിയാണ് എന്ന് തോന്നി . പിന്നെയും വായിക്കാൻ തോന്നുന്നുണ്ട് എങ്കിലും എന്തെന്നറിയില്ല ഉറക്ക ക്ഷീണം കൊണ്ടാവും കണ്ണടഞ്ഞു പോകുന്നതായി തോന്നി .

മുകളിൽ കാര്യമായി എന്തോ തിരയുന്ന ചെക്കനെ ഇടയ്ക്കിടെ നോക്കിക്കൊണ്ട്‌ ആ സുന്ദരി പെൺകുട്ടി ഇരിക്കുന്നത് കണ്ടു . അവൻ പെട്ടെന്ന് നോക്കിയപ്പോൾ അവൾ തിരിഞ്ഞിരുന്നു . എനിക്ക് സ്വപ്നയുടെ അമ്പലത്തിലെ പ്രണയമാണ് അപ്പോൾ ഓർമ വന്നത്

കള്ളി ...അപ്പോൾ മുടങ്ങാതെ പോയിരുന്നത് പ്രണയത്തോട് ഉള്ള ഭക്തി കൊണ്ടാണ് ...!!!!!

മനസ്സിൽ പറഞ്ഞു ,പതിയെ ചിരിച്ചു . ഒറ്റപ്പാലം ആയിക്കൊണ്ടിരിക്കുകയാണ് എന്ന് പാതി തെളിഞ്ഞ അന്തരീക്ഷത്തിലെ വെളിച്ചത്തിൽ കണ്ടു .

അയ്യോ ലക്കിടി മിസ്സായല്ലോ എന്നൊരു സങ്കടം ഇടയ്ക്കുണ്ടായി . അല്ലെങ്കിലും നമ്മൾ വല്ലപ്പോഴും ട്രെയിനിൽ വരുമ്പോഴല്ലേ നമ്മുടെ കുഞ്ചൻ നമ്പ്യാരുടെ ജന്മസ്ഥലം കാണുള്ളൂ (കിള്ളിക്കുറുശ്ശിമംഗലം) ... ഇവിടെക്കൂടെ പോകുമ്പോൾ രോമങ്ങൾ ഒക്കെ എഴുന്നേറ്റു നില്ക്കുന്ന പോലെ ഒരു നിർവൃതി തോന്നും

മലയാള ഭാഷയുടെ എക്കാലത്തെയും മികച്ച പ്രതിഭ . ഹാസ്യ സാമ്രാട്ട് ...അല്ലെങ്കിലും നിങ്ങളോട് ഞാൻ അദ്ദേഹത്തെ കുറിച്ച് പറയുന്നത് ശരിയല്ല . ഒരുവിധമുള്ള മലയാളികൾ എല്ലാം കേട്ടിരിക്കും അദ്ദേഹത്തെ


ഇവിടുന്നു പത്തു മിനുട്ട് ഉള്ളൂ ഒറ്റപ്പാലം എത്താൻ ... ചരിത്രം ഉറങ്ങുന്ന നിളാ തീരത്തെകുറിച്ചും ഒറ്റയ്ക്ക് നിന്നിരുന്ന പാലമരത്തിനോടൊപ്പം വളർന്ന് വന്ന വള്ളുവനാടൻ ഗ്രാമം ...

അത് ശരിയല്ല ഗ്രാമം പണ്ട് ഇപ്പോൾ പാലക്കാടിനെ വെച്ചും പുരോഗമനം ഒറ്റപ്പാലം ആണോ തോന്നിപ്പോകും ചിലപ്പോഴെങ്കിലും ...

ചിത്രങ്ങളിൽ കേരളത്തിന്റെ മുഖമുദ്രയായി തലയുയർത്തി നിന്നിരുന്ന "മന " കളുടെ സ്വന്തം നാട് ..... ഒരുവശത്ത്‌ കുറച്ച് ആടപം കുറച്ചിട്ട് എന്നോണം ശാന്തമായി ഭാരതപ്പുഴ ഒഴുകുന്നത്‌ അവ്യക്തമായി കാണാം .....

തുടരും