ഭാഗം 19
***********
പുഴയൊഴുകും വഴി
--------------------------------------
തെക്ക് ഭാരതപ്പുഴയും , വടക്ക് അനങ്ങൻമലയും ഒപ്പം നല്ല ചേലുള്ള ഭാഷയും കൂടെയായപ്പോൾ ഒറ്റപ്പാലം ജനഹൃദയങ്ങളിൽ പെട്ടെന്നാണ് ഇടം നേടിയത് .
ഇപ്പോഴും ഒറ്റപ്പാലം എന്ന് കേൾക്കുമ്പോൾ നമുക്കാദ്യം ഓർമ വരുന്നത് വല്യ ഇല്ലങ്ങളും (മന ) അവിടെ ഈറനോടെ ഉള്ള മുടിയിൽ തുളസിപ്പൂവ്‌ ചൂടി നെറ്റിയിൽ നീട്ടി വരച്ച ചന്ദനക്കുറിയും പിന്നെ ഏറെ വിദൂരത്തു അല്ലാത്ത ചെറുതിരുത്തിയിലെ വിദ്യാർത്ഥിനികളും ആയ പെൺകുട്ടികളെയും അല്ലെന്നു പറയാൻ കഴിയില്ല
കലയും കാവ്യവും സാഹിത്യവും ഇപ്പോൾ സിനിമയും ഇവിടുത്തുകാർക്ക് പ്രിയപ്പെട്ടതാണ് . കേരളത്തിന്റെ ഗ്രാമഭംഗി മുഴുവൻ ഒറ്റപ്പാലത്ത് ആണെന്ന് പണ്ട് പല സിനിമാക്കാരും പറഞ്ഞത് വെറുതെയല്ല
ഇതിലൂടെയൊഴുകുന്ന ഭാരതപ്പുഴയുടെ ഒരു ഫ്രെയിം പോലുമില്ലാതെ ചിത്രീകരണം നടത്താത്ത ലോഹിതദാസിന്റെ സിനിമകൾ . മലായാളിത്വം എന്നാൽ അതിവിടുത്തെ പുഴയോരവും , എൻ എസ് എസ് കോളേജും പിന്നെ ഇത്തിരി കമ്മൂണിസ്റ്റ് കാരും പാടങ്ങളും നാട്ട്യമുദ്രകളും നാടക ഗാനങ്ങളും ഒക്കെത്തന്നെയാണ് ഇപ്പോഴും
പക്ഷെ ആ കാഴ്ചകൾ പതിയോലവും അന്യാധീനപ്പെട്ടു പോയെങ്കിലും ഈര കഷ്ട്ടപ്പെട്ടു സംരക്ഷിക്കുന്ന ഇല്ലങ്ങളും , കാവുകളും ,കുളങ്ങളുമുണ്ട് . അതുകൂടെ ഇല്ലാതാവുമ്പോൾ നശിക്കുന്നത് കേരളത്തിന്റെ തനതായ തച്ചുശാസ്ത്രവും ജീവിതരീതികളും ഉൾപ്പെട്ട നാടാൻ സംസ്കാരമാണ് .
കമ്മ്യൂണിസ്റ്റ്‌ പാർട്ടി കേരളത്തിൽ ആധിപത്യം ഉറപ്പിച്ചു തുടങ്ങിയ കാലത്ത് അതിന്റെ വളർച്ചയിൽ ഏറെ സംഭാവനകൾ നല്കിയത് ഈ വള്ളുവനാടൻ ഗ്രാമങ്ങളാണ് . ഒറ്റപ്പാലം , മലപ്പുറത്തെ തിരൂർ,പൊന്നാനി തുടങ്ങിയ ചില സ്ഥലങ്ങൾ. അതുകൊണ്ട് തന്നെ പാർട്ടിയുടെ പ്രധാനപ്പെട്ട ആദ്യ സമ്മേളനം നടന്നതും ഇവിടെ വെച്ചാണ് എന്ന് പറയപ്പെടുന്നു
ഇവിടെ നിന്നും അകലെയല്ലാതെയാണ് "തിരുന്നാവായ മണപ്പുറം " . ഒരുകാലത്ത് പന്ത്രണ്ടു വർഷത്തിലൊരിക്കൽ തങ്ങളുടെ രാജാവിന് വേണ്ടി ജീവൻ ബലി നല്കിയ യുവ പോരാളികളുടെ ചുടുനിണം മണക്കുന്ന മണപ്പുറം
ചരിത്രമേറെ പറയാനുണ്ട് ഇവിടെ ഓരോ മണൽത്തരിക്കും . പാലക്കാട്‌ കഴിഞ്ഞാൽ കേരളത്തിലേക്കുള്ള പ്രധാനപ്പെട്ട റെയിൽവേ സ്റ്റഷൻ ഒറ്റപ്പലമാണ് . ഇവിടെ നിന്നും ഏറെ ദൂരെയല്ലാതെ ഭാരതപ്പുഴയിലെ മറ്റൊരു പ്രധാന ഹൈന്ദവ ക്ഷേത്രം തിരുവില്ലാമലയിൽ സ്ഥിതി ചെയ്യുന്നു
ഇവിടെ പുനർജനി നൂഴാനായി എത്തുന്ന സന്ദർശകരുടെ എണ്ണം ഏറെ വർദ്ധിച്ച് വരുന്നുണ്ട് ഇപ്പോൾ . ഒപ്പം തനെൻ മരണാനന്തര കർമങ്ങൾക്കും,ബലിയിദാനുമായി പാംബാടിയിലെത്തുന്നവരും.
ഉത്സവങ്ങൾക്ക് പേരുകേട്ട പാലക്കാടിന്റെ പ്രിയപ്പെട്ട "ചിനക്കത്തൂർ പൂരം " ആണ് ഏറ്റവും വലിയ ഉത്സവമായി അറിയപ്പെടുന്നത് എങ്കിലും ചെറുതും വലുതുമായി പൂരങ്ങളും കുംമാട്ടികളും വേലകളും കൊണ്ട് സമൃതമാണ് ഒറ്റപ്പാലം
എന്തോ പുറത്തേക്ക് നോക്കിയിരിക്കുമ്പോൾ ഏറെ സന്തോഷം തോന്നുന്നുണ്ടായിരുന്നു എനിക്ക് . ഇനിയിവിടെ കുറേനേരം ട്രെയിൻ നിർത്തിയിടും വേണമെങ്കിൽ ഒന്ന് പുറത്തുപോയി തണുത്ത കാട്ടു കൊണ്ടിട്ടോ ശുദ്ധവായു ശ്വസിച്ചിട്ടോ ഓടി വരാം ...നേരമുണ്ട് ...
അല്ലെങ്കിൽ കുറച്ചു കൂടി സാഹസികത ഇഷ്ട്ടമാണ് എങ്കിൽ ഭാരതപ്പുഴയുടെ ഏറെ അകലെയല്ലാത്ത ഭാഗത്ത് ചെന്ന് നിന്ന് കുറച്ചു ഫോട്ടോ എടുത്തിട്ടു വരാം ...അല്ലെങ്കിൽ ശാന്തമായി ഒഴുകുന്ന നിളാനദിയുടെ കഴിഞ്ഞ കാലവും ഇക്കാലവും വരാനിരിക്കുന്ന കാലവും തമ്മിലൊരു താരതമ്യം നടത്തി വരാം
മനസ്സിന്റെ ക്യാൻവാസിൽ ഓരോ ചിത്രങ്ങളും പകർത്തി പണ്ട് ഇടശ്ശേരി പാടിയത് പോലെ
"കളിയും ചിരിയും കരച്ചിലുമായി
കഴിയും നരനൊരു യന്ത്രമായാൽ
അംബ : പെരാറെ നീ മാറിപ്പോമോ
ആാകുലമാമൊരഴുക്കുചാലായ്‌ "
എന്ന് ഖേദം രേഖപ്പെടുത്തി , കയ്യേറുന്ന പുഴയും , റിവർ വ്യൂ വില്ലയും , കുന്നുകൂടുന്ന മാലിന്യവും , നിർത്താതെ തുടരുന്ന മണലെടുപ്പും , വറ്റി വരണ്ട പുഴയും , പാഴായ ജലസേചന പദ്ധതികളും വിഷയമായെടുത്ത് ചെറിയൊരു ചർച്ച സംഘടിപ്പിക്കാം
അതിനു ശേഷം നിറയാത്ത പുഴയ്ക്കും ഓ .എൻ .വി യുടെ വരികളിൽ "നിത്യശാന്തിയോ....ചരമഗീതാമോ പാടിയവസാനിപ്പിക്കാം ...." . പശ്ചിമഘട്ട മലനിരകൾ കേരളത്തിന്റെ അതിർത്തിയാണ് എന്ന് പറഞ്ഞു പഠിച്ച കുട്ടിക്കാലത്ത് ഒരു ബോധമുണ്ടായിരുന്നു "ആ മലനിരകൾ മുഴുവൻ കേരളത്തിന്റെ മാത്രം കുത്തകയാണ് എന്ന് .
പക്ഷെ അറിവുകള തെറ്റെന്നു മനസ്സിലാക്കിയത് ഇതേ മലയുടെ അങ്ങേ വശത്ത്‌ തമിഴ്നാട്ടുകാർ നമ്മെ പോലെ തന്നെ വിനോദ സഞ്ചാരകേന്ദ്രങ്ങളും കൃഷിയും നടത്തുന്നുണ്ട് എന്ന തിരിച്ചറിവിൽ നിന്നാണ് . ഞങ്ങടെ മലയാണ് നിങ്ങൾക്ക് തരില്ലട തമിഴന്മാരെ എന്നൊക്കെ പറയണമെന്ന് തോന്നിയിരുന്നു അന്ന്
പക്ഷെ "നാം എല്ലാം ഇന്ത്യക്കാരാണ് ,ഭാഷയുടെയോ ,പ്രദേശത്തിന്റെയോ പേരിൽ പരസ്പരം കുറ്റപ്പെടുത്തില്ല , എല്ലാവരും എന്റെ സഹോദരന്മാരാണ് " എന്ന് പറഞ്ഞു പഠിച്ചു പോയി ......!!!!!!!
കോളേജ് ലാബിൽ മറ്റൊരു പണിയുമില്ലാതെ ഗൂഗിൾ മാപ്പും നോക്കിക്കൊണ്ടിരുന്നപ്പോഴാണ് കേരളത്തിലെ നാല്പ്പതിനാല് നദികൾ ഒന്ന് കണ്ടുകളയാം എന്ന് തോന്നിയത് , അങ്ങ് അറബിക്കടലിന്റെ അടുത്തു പൊന്നാനി മുതൽ യാത്ര തുടങ്ങി മൗസ് പോയിന്റ്‌ കൊണ്ട്
തമിഴ്നാട്ടിലൂടെ ഒഴുകിത്തുടങ്ങുന്ന ,അല്ലെങ്കിൽ തമിഴ്നാട്ടിലെ പശ്ചിമഘട്ടത്തെ ആനമലയിൽ ഉത്ഭവിക്കുന്ന എന്ന് പണ്ടുമുതൽ പറഞ്ഞു പഠിച്ച ഭാരതപ്പുഴയിലേക്ക്. അതെ അവിടെ തുടങ്ങിയത് കുറെ നീരുറവകളായി ആയിരുന്നു ....പിന്നെ ത്രിമൂർത്തി സംഗമത്തിലേക്ക്‌
അവിടെ നിന്നും ചെറിയ നദിയായി തമിഴ്നാട്ടിലൂടെ ... കൃഷ്ണപുരം ....തിരുപ്പൂർ...കോയമ്പത്തൂർ ...ജില്ലകളിലൂടെ പൊള്ളാച്ചി സമീപം വഴി മീനക്ഷിപുരത്തിനു അടുത്തുകൂടെ മൂലത്തറ വഴി ...
മൂലത്തറ എന്ന പേര് പാലക്കാട്ടുകാർക്ക് മറക്കാൻ ആവാത്ത സംഭവമാണ് അല്ലെങ്കിൽ നെല്ലറയിലെ പാവപ്പെട്ട പതിനായിരക്കണക്കിന് സാധാരണക്കാരുടെ വയറ്റത്തടിച്ച ദുരന്തം .
കേരള - തമിഴ്നാട് ഇന്റർ സ്റ്റേറ്റ് പ്രൊജക്റ്റ്‌ (പറമ്പിക്കുളം ,ആളിയാർ ഉൾപ്പെടുത്തി ചിറ്റൂർ താലൂക്കിലേക്ക് വെള്ളം എത്തിക്കാനുള്ള പദ്ധതി ). ഇതിന്റെ പ്രധാനപ്പെട്ട ഭാഗമായിരുന്നു മൂലത്തറ റെഗുലേറ്റർ .
തമിഴ്നാട്ടിലെ ശക്തമായ മഴയെത്തുടർന്ന് നവംബർ എട്ട് രണ്ടായിരത്തി ഒൻപതിൽ (08/11/2009) ആളിയാർ ഡാമിൽ നിന്നും ഒരു മുന്നറിയിപ്പും ഇല്ലാതെ പരിധിയിൽ അധികം വെള്ളം തുറന്നു വിട്ടു . ശക്തമായ കുത്തൊഴുക്കിൽ റെഗുലേറ്റർ തകർന്നു , ചിറ്റൂര് പുഴയിലേക്കും (ഭാരതപ്പുഴ ) സമീപ പ്രദേശങ്ങളിലേക്കും വെള്ളം വ്യാപിച്ചു , 45000 ഏക്കർ കൃഷിയാണ് അന്ന് നശിച്ചത് .
മറ്റുള്ള ജില്ലകളിൽ നിന്നും വ്യത്യസ്തമായി പെട്ടെന്ന് കടലിലേക്ക്‌ വെള്ളം എത്തിച്ചേരാൻ ഉള്ള ബുദ്ധിമുട്ടും , ഒപ്പം ഒരിക്കലും പ്രതീക്ഷിക്കാത്ത തോതിലുള്ള വെള്ളത്തിന്റെ ശക്തമായ പ്രവാഹവും ഇന്നുമൊരു വെള്ളിടിയായി ഇവിടുത്തുകാരുടെ മനസ്സിലുണ്ട് .
പുഴയുടെ വിശേഷം വിട്ടുപോയി ...... കേരളത്തിലെത്തുമ്പോൾ കുറച്ചുകൂടെ കൊച്ചു കൊച്ചു പോഷകനദികളുടെ അലിഞ്ഞുചേരൽ കൊണ്ട് വലുതായിക്കഴിഞ്ഞ പുഴ ..... മീനാക്ഷിപുരം - വണ്ടിത്തവളം ത്തിനു അടുത്തായി കന്നിമാരിക്ക് സമീപം "സ്ഥിതി ചെയ്യുന്ന കംബാലത്തറ ഡാമിന് ജീവനേകുന്നു .
പിന്നെ പെരുമാട്ടി ....ചിറ്റൂർ...കൊടുമ്പ്‌ ...യാക്കര ... പാലക്കാട്‌ ...കൽപാത്തി... പറളി... മങ്കര ....പെരിങ്ങോട്ടുകുറുശ്ശി ....മായന്നൂർ വെച്ച് ഗായത്രിപ്പുഴയും ചേരുന്നു ...ഒറ്റപ്പാലം ....മന്നനൂർ...ഷൊർണ്ണൂർ....തിരുമിറ്റക്കോട് ....പട്ടാമ്പി ..തൃത്താല ....കൂടല്ലൂർ എത്തുമ്പോൾ കുന്തിപ്പുഴയും ചേരുന്നു ...കുറ്റിപ്പുറം ...തിരുന്നാവായ ...ചമ്രവട്ടം ..പൊന്നാനി ...അറബിക്കടൽ..............!!!!!!!!!!!!
അതിനിടയ്ക്കെത്ര സംഭവങ്ങൾ ....സംസ്കാരങ്ങൾ .....ഓർമ്മകൾ .....ചരിത്രങ്ങൾ ......
തുടരും ............
